पोखरा विमान दुर्घटना: ठूलो मानवीय क्षतिको अनुमान, शव संकलन गरिँदै

काठमाडौं- पोखरामा आइतबार बिहान दुर्घटनामा परेको यती एयरलाइन्सको विमानमा चालक दलसहित ७२ यात्रु सवार रहेको पाइएको छ। दुर्घटनामा ठूलो मानवीय क्षति भएको अनुमान छ। उद्धारको काम भइरहेको प्रहरीले बताएको छ। 

बिहान साढे १० बजे काठमाडौंबाट पोखराका लागि उडेको ९ एन–एसीएनसी विमानमा चालक दलका ४ जना सहित ६८ यात्रु सवार थिए। ६८ यात्रुमध्ये ३/३ जना शिशु तथा बालबालिका र ६२ वयस्क रहेका छन्।

पोखरा अन्तराष्ट्रिय विमानस्थलमा अवतरण गर्ने क्रममा पुरानो एअरपोर्ट र नयाँ एअरपोर्टको बीचमा रहेको सेती किनारमा दुर्घटना भएको हो।