पृथ्वीनारायणको जीवनीमा चलचित्र निर्माण हुँदै

काठमाडौं– अभिनेता रमित ढुंगानाले नेपाल एकीकरणका सूत्रधार पृथ्वीनारायण शाहको जीवनीमाथि फिल्म निर्माण गर्ने भएका छन्। रमित ढुंगाना फिल्म प्रोडक्सन प्रालिका तर्फबाट ‘पृथ्वीनारायण शाह’ शीर्षकमा चलचित्र विकास बोर्डमा फिल्म दर्ता भएको छ।

बायोपिक जनरामा निर्माण हुने फिल्मको स्क्रिप्टलाई शिवम् अधिकारीले दुई वर्षदेखि लेखिरहेको रमितले बताए। सबै नेपालीले गौरव गर्ने फिल्म बनाउने उद्देश्य रहेको बताउने ढुंगाना फिल्मका लागि खोज–अनुसन्धानमा जुटिरहेको सुनाउँछन्। माया नमार फिल्म बनाएका रमितको पछिल्लो फिल्म बुद्ध बर्न इन नेपाल थियो।