नयाँ सरकारसँगै स्वास्थ्यका अतिरिक्त सचिवको बढुवा फाइल मन्त्रालय फिर्ता

काठमाडौं– सरकार परिवर्तन भएसँगै स्वास्थ्य सेवा अन्तर्गत १२औं तह अतिरिक्त सचिव बढुवाको फाइल मन्त्रिपरिषदबाट फिर्ता भएको छ।

स्वास्थ्य मन्त्रालयको बढुवा समितिले पुस ७ गते मन्त्रालयमा रिक्त रहेको दुई पदका लागि मन्त्रीपरिषदमा तीन जनाको नाम पठाएको थियो। अघिल्लो सरकारको पालामा सिफारिस भएको उक्त फाइल पुस १० गते नयाँ सरकार बनेसँगै फिर्ता भएको मन्त्रालयका एक उच्च अधिकारीले बताए। अब पुनः नयाँ प्रस्तावमा निर्णय हुने जनाइएको छ। 

बढुवा समितिले १२औं तहमा बढुवाका लागि पोखरा स्वास्थ्य विज्ञान प्रतिष्ठानका डा. श्रीकृष्ण श्रेष्ठ, लुम्बिनी प्रदेशका स्वास्थ्य सचिव डा. विकास देवकोटा र प्रदेश अस्पताल भद्रपुरका डा. टंक बराकोटीको नाम सिफारिस गरेको छ। मन्त्रालयले सोही नाम नै मन्त्रिपरिषदमा नयाँ प्रस्तावको रुपमा फाइल पठाउने तयारी गरेको छ।