जटिल बन्दै पेलेको स्वास्थ्य अवस्था

ब्राजिलको अलबर्ट आइन्सटाइन अस्पतालमा उपचाररत ८२ वर्षीय पेलेलाई क्यान्सर भएको थियो।

नेपाल समय | बिहीबार, पुस १४, २०७९

नेपाल समय

बिहीबार, पुस १४, २०७९

काठमाडौं– अस्पतालमा उपचाररत ब्राजिलियन फुटबलर पेलेको स्वास्थ्य अवस्था जटिल बन्दै गएको स्पेनिस मिडिया मार्काले जनाएको छ। ब्राजिलको अलबर्ट आइन्सटाइन अस्पतालमा उपचाररत ८२ वर्षीय पेलेलाई क्यान्सर भएको थियो। त्यसपछि उनलाई मिर्गौला र हृदय रोग थपिएको हो।

२९ नोभेम्बरमा अस्पताल भर्ना भएका पेले जटिल रोगसँग जुधिरहेका छन्। पेलेको स्वास्थ्यसम्बन्धी अवस्थाबारे उनकी छोरीले सञ्चार माध्यममा परिवारको फोटो राख्दै लेखेकी छन्, ‘परिवार अहिले बुबाको स्वास्थ्यले गर्दा गम्भीर छ। बुबाको स्वास्थ्यमा कहिले व्यापक सुधार आएर खुसी हुन्छौं त कहिले अवस्था सबै बिग्रिने गर्दछ।’ फुटबलका पिताका रुपमा रहेका ब्राजिलियन पेले तीन पटकका विश्व विजेता खेलाडी हुन्।

प्रकाशित: Dec 29, 2022| 11:54 बिहीबार, पुस १४, २०७९