ट्याक्टरबाट खसेर दाङमा एक जनाको मृत्यु

दाङ- दाङको दंगिशरण गाउँपालिका-३ एकलीमा हिजो ट्याक्टरबाट खसेर एक जनाको मृत्यु भएको छ। 

मृत्यु हुनेमा दंगिशरण गाँउपालिका-६ थपगाउँका १७ वर्षीय सुदिप चौधरी रहेका छन्। उनको उपचारका क्रममा पौने ९ बजे राप्ती प्रादेशिक अस्पताल तुल्सीपुरमा मृत्यु भएको छ। 

हिजो बेलुकी साढे ८ बजे रा १ त ४५९३ नम्बरको गुडिरहेको ट्याक्टर चौधरी अचानक खसेका थिए। ट्याक्टर नियन्त्रणमा रहेको र चालक फरार रहेकाले खोजिकार्य भइरहेको इलाका प्रहरी कार्यालय हेकुलीले जानकारी दिएको छ।