कुलेश्वरमा सवारी दुर्घटना, युवकको मृत्यु

काठमाडौं- काठमाडौं महानगरपालिका–१४, कुलेश्वरमा हाइस माइक्रोबस र मोटरसाइकल आपसमा ठोक्किँदा एकजनाको मृत्यु भएको छ। एकजना घाइते छन्।

दुर्घटनामा मोटरसाइकल चालक काठमाडौंकै नागार्जुन नगरपालिका–४ का २२ वर्षीय रविन लामा र त्यसमा पछाडि सवार २१ वर्षीय सुशील बम्जन घाइते भएका थिए। उनीहरू दुवैलाई उपचारका लागि बल्खुस्थित बयोधा अस्पतालमा लगिएको थियो। उपचारका क्रममा लामाको मृत्यु भएको जनाइएको छ।

हिजो साँझ करिब पौने ६ बजे बा२ख ३२२३ नम्बरको हाइस र बा९१प ७४८० नम्बरको मोटरसाइकल ठोक्किएका थिए। हाइस र चालकलाई नियन्त्रणमा लिइएको प्रहरी वृत्त कालीमाटीले जनाएको छ।