बैतडीमा जीप दुर्घटना, चालकको मृत्यु

बैतडी- बैतडीमा जीप दुर्घटना हुँदा चालकको मृत्यु भएको छ। बिहीबार साँझ से१ज ८१६ नम्बरको जीप पाटन नगरपालिका १० डंसेली भन्ने स्थानमा दुर्घटना हुँदा डडेल्धुराको नवदुर्गा गाउँपालिका ५ उकालीका ३६ बर्षीय चालक तेजबहादुर साउँदको मृत्यु भएको जिल्ला प्रहरी कार्यालय बैतडीले जनाएको छ। 

सडकबाट जीप अन्दाजी १५० मिटर तल खसेको प्रहरीले जनाएको छ। जीपमा चालक बाहेक अरु कोही थिएनन्। डडेल्धुराको अनारखोलीबाट बैतडीको डंसेली हुँदै घर फर्कने क्रममा साउँदले चलाएको जीप कच्ची सडकमा दुर्घनामा परेको हो।