मुम्ला र जोमसोमको तापक्रम माइनस ४.५ डिग्री सेल्सियस

काठमाडौं- देशका अधिकांश स्थानमा तापक्रम क्रमिक रूपमा घट्दै जाने र चिसो बढ्दै जाने क्रम रहेको छ। मौसम पूर्वानुमान महाशाखाको आज बिहान ५:४५ बजेको मापनअनुसार जुम्ला र जोमसोमको तापक्रम माइनसमा रहेको छ।

जुम्ला र जोमसोममा आज बिहानको तापक्रम माइनस ४.५ डिग्री सेल्सियस रहेको महाशाखाकी मौसमविद् हीरा भट्टराईले बताइन्। जिरीको तापक्रम ०.७ डिग्री सेल्सियस रहेको छ।

काठमाडौं उपत्यकाको तापक्रम ७.२ डिग्री सेल्सियस रहेको बताइएको छ। चिसो बढेकाले चिसोबाट जोगिन महाशाखाले सुझाव दिएको छ। 

आगामी  २४  घण्टाका लागि चेतावनी तथा परामर्श जारी गर्दै महाशाखाले भनेको छ,   ‘तराई  भूभागमा हुस्सु/कुहिरो लाग्ने तथा देशका अधिकांश भूभागमा तापक्रम क्रमिक रूपमा घट्दै जाने सम्भावना रहेको हुनाले चिसोबाट बच्न आवश्यक सावधानी अपनाउन हुन अनुरोध छ।’