नवलपरासीमा बस र ट्रक ठोक्किँदा १७ जना घाइते

नवलपरासी- नवलपरासी (बर्दघाट सुस्ता पूर्व) नवलपुरमा बस र ट्रक ठोक्किँदा १७ जना घाइते भएका छन्।

पूर्वपश्चिम राजमार्गअन्तर्गत नवलपरासीको विनयी त्रिवेणी गाउँपालिका-१ विनयी खोला नजिक आज बिहान लु१ख ४६७० नम्बरको बस र लु२ख ८९३ नम्बरको ट्रक ठोक्किएका हुन्।

घाइतेहरूको मध्यबिन्दु जिल्ला अस्पताल डण्डामा उपचार भइरहेको र दुई जनाको अवस्था गम्भीर रहेको जिल्ला प्रहरी कार्यालय नवलपुरका सूचना अधिकारी सन्तोष पाठकले जानकारी दिए। बसमा ३० जना यात्रु रहेकोमा अरु सामान्य अवस्थामा छन्।