दोलखा प्रदेशसभा (क) मा कांग्रेसका काफ्ले निर्वाचित

काठमाडौं- नेपाली कांग्रेसका केन्द्रीय सदस्य कुन्दनराज काफ्ले वाग्मती प्रदेशसभा सदस्यमा निर्वाचित भएका छन्। उनी दोलखा प्रदेशसभा ‘क’ बाट प्रदेशसभा सदस्यमा निर्वाचित भएका हुन्। 

मंसिर ४ गते भएको निर्वाचनमा यहाँ विवादका कारण १० मतदान केन्द्रमा पुनः मतदान भएको थियो। मतदानपश्चात् आज सम्पन्न भएको मतगणनाअनुसार कांग्रेसबाट उम्मेदवार बनेका काफ्ले विजयी भएको निर्वाचन आयोगले जानकारी दिएको छ। काफ्लेले नेकपा (एमाले)का उम्मेदवार नरबहादुर श्रेष्ठलाई पराजित गरेका हुन्। 

अन्तिम मतपरिणामअनुसार काफ्ले सात हजार ८७५ मतान्तरले विजयी भएका हुन्। काफ्लेले २३ हजार २३१ मत प्राप्त गर्दा निकटतम प्रतिस्पर्धी रहेका एमालेका श्रेष्ठले १५ हजार ३५६ मत प्राप्त गरे।