मनाङमा प्रत्यक्षमा भन्दा समानुपातिकमा बढी मत बदर

मनाङमा प्रत्यक्षतर्फ चुनाव चिन्ह कम र समानुपातिकमा चुनाव चिन्ह बढी हुँदा मतदाता अन्योलमा परेपछि मत बदर बढी देखिएको हो।

नेपाल समय | बिहीबार, मंसिर १५, २०७९

नेपाल समय

बिहीबार, मंसिर १५, २०७९

मनाङमा प्रत्यक्षमा भन्दा समानुपातिकमा बढी मत बदर

मनाङ– गत ४ मंसिरमा सम्पन्न प्रतिनिधिसभा तथा प्रदेशसभा सदस्य निर्वाचनमा प्रत्यक्षतर्फभन्दा समानुपातिकमा बढी मत बदर भएको छ। हिमाली जिल्ला मनाङमा प्रत्यक्षतर्फ चुनाव चिन्ह कम र समानुपातिकमा चुनाव चिन्ह बढी हुँदा मतदाता अन्योलमा परेकाले मत बढी बदर भएको जिल्ला निर्वाचन कार्यालयले जनाएको छ।

मनाङमा प्रतिनिधिसभा प्रत्यक्षतर्फ १९ मत बदर भएको छ भने समानुपातिकतर्फ ४९ मत बदर भएको जिल्ला निर्वाचन अधिकारी पुष्पराज शर्माले बताए।

उनका अनुसार प्रदेशसभा प्रत्यक्षतर्फ ६ मत बदर भएको छ भने समानुपातिकतर्फ ७४ मत बदर भएको छ। राजनीतिक दलको चुनाव चिन्हका कारण मतदातालाई छनोट गर्न समस्या हुँदा समानुपातिकतर्फ मत बढी बदर भएको हुन सक्ने शर्माको भनाइ छ।–रासस

प्रकाशित: Dec 01, 2022| 15:41 बिहीबार, मंसिर १५, २०७९