अफगानिस्तान : मदरसामा विस्फोट हुँदा १५ जनाको मृत्यु

काबुल- अफगानिस्तानको उत्तरी सामंगन प्रान्तको एक मदरसामा बुधबार भएको विस्फोटमा परी कम्तीमा १५ जनाको मृत्यु भएको भएको छ। अफगानीस्तानको गृह मन्त्रालयका प्रवक्ता अब्दुल नफी टाकोरले सामंगन प्रान्तमा बुधबार अपराह्न धार्मिक विद्यालय (मदरसा)मा भएको विस्फोट भएको जानकारी दिएका हुन्।

 उक्त घटनामा अन्य २२ जना घाइते भएका बताइएको छ। विस्फोटको जिम्मेवारी कुनै पनि समूह वा व्यक्तिले लिएको छैन। 

'काबुलबाट २१५ किलोमिटर उत्तरमा रहेको प्रान्तीय राजधानी अयबक शहरमा स्थानीय समयअनुसार दिउँसो १ बजे मेड्रेसा जिहादिया (जिहादी मदरसा) मा भएको विस्फोटमा १५ जनाको घटनास्थलमै मृत्यु हुनुका साथै अन्य २२ जना घाइते भएका छन्,' नाम खुलाउन नचाहने प्रहरी अधिकारीले भने। घटनाबारे थप अनुसन्धान भइरहेको ती अधिकारीले बताएका छन्।