'गोल्डेन ओक कमेडी यात्रा' फेरि आयोजना हुँदै

काठमाडौं- गोल्डेन ओक ब्लेन्डेड माल्टले 'गोल्डेन ओक कमेडी यात्रा' फेरि आयोजना गर्ने भएको छ।  गोल्डेन ओकको यो कमेडी यात्रा साउन महिनामा बिर्तामोड, दमक, इटहरी, विराटनगर र धरानमा सफलतापूर्वक सम्पन्न भएको कम्पनीले बताएको छ। 

उक्त कमेडी यात्रामा पाएको मायाले गर्दा यो कार्यक्रम गाइघाटमा मंसिर १५ गते, मलंगवामा मंसिर १६ गते, वीरगञ्जमा मंसिर १७ गते, चन्द्रपुरमा मंसिर १८ गते, टाँडीमा मंसिर १९ गते र नारायणगढमा मंसिर २० गते पूरै उत्साहका साथ आयोजना गर्ने कम्पनीले बताएको छ।

मंसिर १५ गतेदेखि हुन लागेको यस कमेडी यात्रामा पनि जितु नेपाल, सुरेन्द्र के.सी., मिलन नेवार, निरज नेपाल, सुमन कार्की र शिव शंकर रिजालले सम्पूर्ण दर्शकहरूका लागि मनोरञ्जन र कमेडी प्रस्तुत गर्ने भएका छन्।

हाल हुन लागेको यस कमेडी यात्रालाई पनि दर्शकहरूले पहिले जस्तै माया गरेर सफल बनाउने विश्वास कम्पनीले लिएको छ।