अफगानिस्तानलाई ४ करोड डलर सहयोग

काबुल- अफगानिस्तानले मानवीय नगद सहायताका रूपमा थप ४० मिलियन अमेरिकी डलर प्राप्त गरेको छ।

अफगानिस्तानको केन्द्रीय बैंक 'दा अफगानिस्तान बैंक' (डीएबी)ले दुई साताको अवधिमा उक्त रकम पठाएको भन्दै अन्तर्राष्ट्रिय समुदायको प्रशंसासमेत गरेको छ। बैंकले बैंकिङ प्रणालीमार्फत थप नगद सहायता पठाउन आह्वान गरेको छ।

युद्धग्रस्त अफगानिस्तानले विदेशी मुद्रा सञ्चितिलाई गत वर्षको तुलनामा १ अर्ब ५ करोड डलरभन्दा बढी पुर्‍याएको छ।