यी ८ पूर्वस्वास्थ्यमन्त्रीले हारे चुनाव

काठमाडौं- प्रतिनिधि सभा सदस्यका लागि उम्मेदवारी दिएका धेरैजसो पूर्वस्वास्थ्यमन्त्रीहरूले यसपालि हार व्यहोरेका छन्। २०७४ को निर्वाचनमा चुनिएर स्वास्थ्य तथा जनसंख्यामन्त्री बनेका सबैले हार व्यहोरेका छन्। 

स्वास्थ्य तथा जनसंख्यामन्त्रीका रूपमा विदेश भ्रमणमा रहेका बेला तत्कालीन प्रधानमन्त्री केपी शर्मा ओलीले यादवको मन्त्रालय साटिदिए। आफू विदेशमा रहेका बेला मन्त्रालय साटिएको विषयमा यादव असन्तुष्ट बन्दै सरकारबाट बाहिरिएका थिए।

ढकाल स्वास्थ्यमन्त्री बनेको केही महिनामा नै कोरोना महामारी आयो। समयमा काम गर्नुको सट्टा गैरजिम्मेवार अभिव्यक्ति दिने, कोरोना नियन्त्रणका लागि व्यवस्थापन गर्न नसकेको, स्वास्थ्य सामग्री खरिदका विषयमा भ्रष्टाचार गरेकोलगायतका आरोप उनीमाथि लागे। 

त्रिपाठीको कार्यकाल पनि विवादरहित भएन। खोप खरिदमा ऐजेन्टको भूमिका भएको कुरा स्वीकार गरेपनि उक्त एजेन्टको नाम सार्वजनिक नगरेपछि उनको आलोचना भयो। भारतमा विवादित पतञ्जलीले बनाएको कोरोनिल आयुर्वेदिक औषधि लिएपछि उनको आलोचना भएको थियो। उक्त औषधि नेपालमा दर्ता पनि भएको थिएन। त्रिपाठी २०७८ जेठमा पदमुक्त भएका थिए।  

व्यापारीलाई स्वास्थ्य क्षेत्र जिम्मा लगाएको भन्दै श्रेष्ठले चर्को आलोचना खेप्नुपर्‍यो। स्वास्थ्य राज्यमन्त्री बनेका श्रेष्ठ चितवन-२ बाट पराजित भएका छन्। उनी राष्ट्रिय स्वतन्त्र पार्टीका उम्मेदवार रवि लामिछानेसँग भारी मतान्तरले पराजित भएका हुन्। श्रेष्ठले १५ हजार ९९ मत ल्याउँदा लामिछानेले ४९ हजार २६१ मत पाए। 

हाल स्वास्थ्य तथा जनसंख्या मन्त्रालयमा स्वास्थ्यमन्त्रीको रुपमा भवानी प्रसाद खापुङ छन् भने स्वास्थ्यराज्यमन्त्रीको हीराचन्द्र केसी छन्। उनीहरु दुवैजना यसपटकको निर्वाचनमा उम्मेदवार थिएनन्। 

पोखरेल संविधान सभाको निर्वाचन २०६४ र २०७० तथा प्रतिनिधि सभाको निर्वाचन २०७४ मा विजयी भएका थिए। तर यसपटक उनले हार व्यहोर्नुपरेको छ। उनी २०६४, २०६५ र २०७४ मा स्वास्थ्यमन्त्री बनेका थिए। २०७४ मा उनी शिक्षा, विज्ञान तथा प्रविधिमन्त्री भएका थिए।