‘सुपर डान्सर नेपाल’ पहिलो सिजनको उपाधि सिद्धार्थ र मिङ्‍मालाई

नृत्यमा आधारित टेलिभिजन रियालिटी शो ‘सुपर डान्सर नेपाल’ पहिलो सिजनको उपाधि सिद्धार्थ श्रेष्ठको समूह टीम ‘सिड्मिङ’ले जितेको छ।

नेपाल समय | मंगलबार, मंसिर ६, २०७९

नेपाल समय

मंगलबार, मंसिर ६, २०७९

‘सुपर डान्सर नेपाल’ पहिलो सिजनको उपाधि सिद्धार्थ र मिङ्‍मालाई

काठमाडौं- नृत्यमा आधारित टेलिभिजन रियालिटी शो ‘सुपर डान्सर नेपाल’ पहिलो सिजनको उपाधि सिद्धार्थ श्रेष्ठको समूह टीम ‘सिड्मिङ’ले जितेको छ।

शुक्रबार राती सम्पन्न ग्राण्ड फिनालेमा सिद्धार्थ र उनका डान्स कोरियोग्राफर मिङ्मा डी लेप्चाले उपाधि जिते। विजय भएसँगै १५ लाख रुपैयाँ नगद र अन्य पुरस्कार पनि उनीहरुले जितेका छन्।

कान्तिपुर टेलिभिजनबाट प्रसारण हुँदै आएको उक्त शोलाई भूषण दाहालले निर्देशन गरेका थिए। जजमा भुवन केसी, जसिता गुरुङ र सुरेन राई थिए। तर, भुवनले बीचमै शो छाडेका थिए। फिनालेमा पनि उनी देखिएनन्। यो रियालिटी शोमा बालबालिकाले नृत्य प्रतिभा प्रस्तुत गरेका थिए।

प्रकाशित: Nov 22, 2022| 13:03 मंगलबार, मंसिर ६, २०७९