६० निर्वाचन क्षेत्रको मतगणना हुँदा २८ मा कांग्रेस अगाडि

काठमाडौं– प्रतिनिधिसभाका १६५ मध्ये ६० वटा निर्वाचन क्षेत्रमा अहिले मतगणना भइरहेको छ। अहिलेसम्म २८ स्थानमा सत्तारुढ नेपाली कांग्रेसले अग्रता लिएको छ। 

प्रमुख प्रतिपक्षी एमालेले १५, राष्ट्रिय स्वतन्त्र पार्टीले ७, राप्रपाले ४, माओवादी केन्द्र र एकीकृत समाजवादीले ३–३ निर्वाचन क्षेत्रमा अग्रता लिका छन्। 

इलाम १ मा कांग्रेसका डम्बर खड्का उदयपुर १ मा नारायण खड्का, मोरङ ६ मा शेखर कोइराला, पर्सा २ मा अजयकुमार चौरसिया, रौटहट–४ मा देवप्रकाश तिमलसिना, सप्तरी ४ मा तेचुला चौधरीले सुरुवाती अग्रता लिएका छन्।

यस्तै काठमाडौं– ४ मा गगन थापा, काठमाडौं– ५ मा प्रदीप पौडेल, काठमाडौं– १० राजन केसी, चितवन– १ मा विश्वनाथ पौडेल, नुवाकोट–१ अर्जुननरसिंह केसी, भत्तपुर –२ मा दुर्लभ थापा र मकवानपुर–१ मा महालक्ष्मी उपाध्याय ‘डिना’ अगाडि छन्। 

कास्की – १ मा किशोरदत्त बराल, तनुहँ– १ मा रामचन्द्र पौडेल, २ मा शंकर भण्डारी, नवलपुर – १ मा विष्णुकुमार कार्की, कपिलवस्तु –२ मा सुरेन्द्र आचार्य, ३ मा अभिषेकप्रताप साह, दाङ ३ मा दीपक गिरि, बर्दिया – १ मा सञ्जय गौतम, रुपन्देही – ३ मा बालकृष्ण खाण र ५ मा भरत शाहले अग्रता लिएका छन्।

सुर्खेत– २ मा हृदयराम थानी, कञ्चनपुर– ३ मा रमेश लेखक डडेल्धुरामा शेरबहादुर देउवा, कैलाली–४ मा वीरबहादुर बलायर, अछाम– २ मा पुष्पबहादुर शाहले अग्रता लिएका छन्।