कालीकोटमा जीप दुर्घटना हुँदा तीन जनाको मृत्यु

कालीकोटको तिलागुफा–५ खल्लागाडमा यात्रुवाहक जीप दुर्घटना भएको हो।

नेपाल समय | मंगलबार, कात्तिक २२, २०७९

नेपाल समय

मंगलबार, कात्तिक २२, २०७९

कालीकोटमा जीप दुर्घटना हुँदा तीन जनाको मृत्यु

मान्म- मुगुबाट सुर्खेत आउँदै गरेको जीप दुर्घटना हुँदा तीन जनाको मृत्यु भएको छ। कालीकोटको तिलागुफा–५ खल्लागाडमा यात्रुवाहक जीप दुर्घटना भएको हो।

मुगुबाट सुर्खेततर्फ जाँदै गरेको भे१च ४४१२ नम्बरको जीप आज दिउँसो कर्णाली राजमार्गमा दुर्घटनामा मुगु गमगढीका २१ वर्षीय अक्कल विश्वकर्मा, २१ वर्षीय रमेश बुढा र २५ वर्षीय सुदर्शन सेजुवालको मृत्यु भएको कालीकोटका प्रहरी प्रमुख जयश्वर रिमालले नेपालले जानकारी दिए। सो दुर्घटनामा सात जना घाइते भएका छन्।

उनका अनुसार जीपमा १० जना सवार थिए। उनले भने, ‘एक जनाको घटनास्थलमा र दुई जनाको कर्णाली स्वास्थ्य विज्ञान प्रतिष्ठानमा उपचारका क्रममा मृत्यु भएको हो।,’ घाइतेको जुम्लास्थित कर्णाली स्वास्थ्य विज्ञान प्रतिष्ठानमा उपचार भइरहेको प्रहरीले जनाएको छ।

प्रकाशित: Nov 08, 2022| 17:49 मंगलबार, कात्तिक २२, २०७९