काठमाडौं- वैदेशिक रोजगारीका शिलशिलामा गएका नेपालीले अबदेखि आईपीओमा १० प्रतिशत आरक्षण पाउने भऐएका छन्। नेपाल धितोपत्र बोर्डले बिहीबार 'धितोपत्र निष्काशन तथा बाँडफाँट (छैटौँ संशोधन) निर्देशिका- २०७९' जारी गर्दै यस्तो व्यवस्था लागू गरेको हो।
श्रम स्वीकृति लिएर विदेश गएकाहरूले आवेदन गरे उनीहरुका लागि १० प्रतिशत सेयर बाँडफाँट गरिनेछ।
बिक्री प्रबन्धकले श्रम स्वीकृति लिएर विदेश गएकाहरूका लागि सर्वसाधारणका लागि सेयर निष्काशन गर्नभन्दा कम्तीमा १५ दिन अघि नै आवेदन आह्वान गर्नुपर्नेछ।
सेयर आवेदकसँग रेमिट्यान्स बचत खाता हुनुपर्ने व्यवस्था गरिएको छ। उक्त खातामा पछिल्लो ६ महिनामा कम्तीमा पनि ५० हजार जम्मा गरेको हुनुपर्ने व्यवस्था निर्देशिकामा छ। विदेशमा काम गर्नेहरूले सेयर पाएपछि मात्र सर्वसाधारणका लागि आईपीओ जारी गरिने निर्देशिकामा उल्लेख छ।
यो व्यवस्था कात्तिक १७ (आज)देखि लागू भएको हो।
सम्पर्क
फोन : +977-1-4790040/+977-1-4790242
इमेल : nepalsamayanews@gmail.com