बुलिङटार बस दुर्घटना अपडेट : मृतक पाँचै जनासहित घाइतेहरूको सनाखत

वुटवल- मनकामना मन्दिर दर्शनका लागि पाल्पाबाट हिँडेको बस नवलपरासी पूर्वको बुलिङटारमा दुर्घटना परी मृत्यु भएकाहरूको सनाखत भएको छ। 

पाल्पाको रम्भा गाउँपालिका-१ हुँगीबाट मनकामना दर्शनको लागि जाँदै गरेको ना६ख ७५८० नम्बरको बस बुलिङटार गाउँपालिका-२ मथारमा आइतबार बिहान दुर्घटना हुँदा ५ जनाको मृत्यु भएको हो। 

बस दुर्घटनामा मृत्यु हुनेमा रम्भा-१ का ४१ वर्षीय तारा विक, १७ वर्षीय विनथ विक, ६२ वर्षीय धनी विक, ५८ वर्षीया देवी गाहा र गल्याङ नगरपालिका-९ बेलचौरकी ४५ वर्षीया जुलमाया माझी रहेको प्रहरीले जनाएको छ। 

घाइते हुनेमा रम्भा गाउँपालिका-१ बस्ने ४ वर्षीय अंकित सुनार, १० वर्षीय कृष्ण केवट, १८ वर्षीय प्रविन सुनार, २० वर्षीय राम विक, २१ वर्षीया रिता विक, २५ वर्षीय कासीराम विक, १ वर्षीया आइसा विक, १६ वर्षीय अविनास विक, १७ वर्षीय विशाल विक, ७ वर्षीया पुष्पा विक रहेका छन्।

यस्तै ४७ वर्षीय मेघनाथ विक, स्याङ्जा गल्याङ-९ का २५ वर्षीय दिल माया राना, सोही स्थानका ३ वर्षीय रविन राना, भैरहवा भीम अस्पतालमा कार्यरत ३२ वर्षीय सुमित्रा विक, रम्भा-१ भाले ढुङ्गाका १५ वर्षीया रिमा विक, रम्भा-१ की ३२ वर्षीया सनु सुनार, रम्भा-१ का ३८ वर्षीय प्रेम बहादुर सुनार घाइते भएको प्रहरीले जनाएको छ।

घाइते हुनेमा २० वर्षीय आशिष सुनार, २० वर्षीय विजय विक, ३६ वर्षीया मायाँ विक, स्याङ्जा गल्याङ-८ का ३५ वर्षीय मनोज कुमार विक, सोही स्थानका ३० वर्षीया उमा कुमारी विक, गल्याङ-९ की ३० वर्षीय सरिता माझी, सोही स्थानका ३१ वर्षीय रामु राना, पाल्पा रम्भा-१ की १२ वर्षीया अस्मिता सुनार, ४७ वर्षीय ओमबहादुर विक, ४५ वर्षीया सेती विक र ४८ वर्षीया शिव कुमारी विक रहेका छन्।

चालक रामपुर ३ का दिल कुमार श्रेष्ठ, सहचालक रामपुर ५ बेझाँडका साजन श्रेष्ठ पनि घाइते भएका छन्। घाइतेहरूलाई उपचारका लागि नारायणी सामुदायिक अस्पताल नारायणघाट पठाइएको छ। 

बस सडकबाट झण्डै सय मिटर तल खसेर दुर्घटना भएको हो। घटनास्थलमा अहिले प्रहरी र स्थानीयले उद्धार गरिरहेको जिल्ला प्रहरी कार्यालय नवलपरासी (सुस्तापूर्व)का प्रहरी नायव उपरीक्षक सन्तोष पाठकले जानकारी दिए।