राष्ट्रिय तथा प्रादेशिक प्रतिभा पुरस्कारका लागि आवेदन आह्वान

काठमाडौं- संस्कृति, पर्यटन तथा नागरिक उड्डयन मन्त्रालयले राष्ट्रिय तथा प्रादेशिक प्रतिभा पुरस्कारका लागि आवेदन आह्वान गरेको छ। 

मन्त्रालयअन्तर्गतको संस्कृति महाशाखाले पुरस्कार सम्बन्धी सार्वजनिक सूचना जारी गर्दै आवेदन माग गरेको हो। आवेदन वा सिफारिस ३० दिनभित्र दिइसक्नु पर्ने महाशाखाले जनाएको छ । 

'मन्त्रालयको आर्थिक वर्ष २०७९/८० को स्वीकृत कार्यक्रममा राष्ट्रिय तथा प्रादेशिक प्रतिभा पुरस्कार, २०७९ समर्पण गर्ने कार्यक्रम समावेश भएको छ। राष्ट्रिय तथा प्रादेशिक प्रतिभा पुरस्कार सम्बन्धी कार्यविधिको दफा-४ को (६) मा व्यवस्था भए बमोजिम चार विधामा राष्ट्रिय प्रतिभा पुरस्कार र सातवटा प्रदेशबाट एक/एक जनालाई प्रादेशिक प्रतिभा पुरस्कार प्रदान गरिनेछ,' महाशाखाको सूचनामा उल्लेख छ, 'राष्ट्रिय तथा प्रादेशिक प्रतिभा परस्कारका लागि देहायका विधा र क्षेत्रमा तोकिए बमोजिमको योगदान दिएका व्यक्ति वा संस्थाहरूले ३० दिनभित्र यस मन्त्रालयमा आवेदन सिफारिस पेश गर्न यो सूचना प्रकाशित गरिएको छ।'