म्यान्मारको जेलमा विस्फोट हुँदा ८ जनाको मृत्यु, १८ घाइते

याङ्गुन (म्यान्मार)- म्यान्मारको इन्साइन जेलमा विस्फोट हुँदा ८ जनाको मृत्यु भएको छ। जेलको प्रवेशद्वारमा दुईवटा पार्सल बम विस्फोट हुँदा तीन जना जेलका कर्मचारी र जेल भ्रमणमा आएका ५ जनाको मृत्यु भएको बीबीसीले जनाएको छ।

जेलमा अधिकांश राजनीतिक बन्दी छन्। आक्रमणको जिम्मा हालसम्म कुनै पनि समूहले लिइसकेको छैन। विस्फोटमा १८ जना घाइते भएका छन्।

उक्त जेलभित्र बन्दीहरुमाथि यातना, दुर्व्यवहार र अन्य अमानवीय घटना हुने गरेको आरोप लाग्दै आएको छ।