ताप्लेजुङमा ट्रयाक्टर दुर्घटना, चार जनाको मृत्यु

ताप्लेजुङ- ताप्लेजुङको मैवाखोला गाउँपालिकामा मंगलबार राति ट्रयाक्टर दुर्घटना हुँदा दुई महिलासहित चार जनाको मृत्यु भएको छ। 

मैवाखोला गाउँपालिका वडा नम्बर ४ र ५ को सिमानास्थित याम्फेवा खोलामा ट्रयाक्टर दुर्घटना भएको हो। दुर्घटनामा चारै जनाको घटनास्थलमै मृत्यु भएको प्रहरीले जनाएको छ।

ताप्लेजुङका प्रहरी प्रमुख प्रहरी नायव उपरीक्षक कैलास राईका अनुसार दुर्घटनामा परी मृत्यु हुनेमा ट्रयाक्टरका चालक मैवाखोला गाउँपालिका–५ फाकुम्बाका ३१ वर्षीय पासाङ शेर्पा, २४ वर्षीय फुर्वा शेर्पा, सोही गाउँपालिका वडा नम्बर ४ साँघुका २२ वर्षीया शर्मिला शेर्पा र १७ वर्षीया लासी रहेका छन्।

मैवाखोला गाउँपालिका-१ ढुङ्गेसाँघुको तेल्लाबुङदेखि फाकुम्बातर्फ गइरहेको ट्रयाक्टर अनियन्त्रित भई दुर्घटना भएको बुझिएको प्रनाउ राईले जानकारी दिए। ट्रयाक्टर दुर्घटना मगंलबार राति करिव १२:३० बजेतिर भएको बताइएको छ।