१३ मिनेटमा सावित्राले ह्याट्रिक गरेपछि कर्णालीको पोस्टमा एपीएफको १६ गोल

पोखरा– नवौं राष्ट्रिय खेलकुद प्रतियोगिता अन्तर्गत महिला फुटबलमा एपीएफ क्लब शनिबार विजयी भएको छ। स्याङ्जामा जारी खेलमा एपिएफले कर्णाली प्रदेशलाई १६–० गोल अन्तरले पराजित गरेको हो। 

खेलको पाचौं मिनेटमै एपिएफकी सावित्रा भण्डारीले पहिलो गोल गर्दै टोलीलाई सुरुवाती अग्रता दिलाएकी थिईन। लगत्तै खेलको ९ औँ मिनेटमा एपिएफकी अनिता केसीले दोस्रो गोल गरिन्। 

खेलको १३ औँ मिनेटमा सावित्रा भण्डारीले व्यक्तिगत दोस्रो गोल गरिन भने १८ औँ मिनेटमा सावित्राले टोलीका लागि चौथो गोल गदै ह्याट्रिक पुरा गरिन्।

खेलको १९ औँ मिनेटमा सरु लिम्बुले पाँचौ गोल गरिन भने २१ औँ मिनेटमा प्रिति राईले छैँटौँ गोल गरिन। २७ औँ मिनेटमा अनिताले, ३६ औँ मिनेटमा सरुले, ४५ औँ मिनेटमा सावित्रा व्यक्तीगत चौथो सगै टोलीलाई ९ गोलको अग्रता दिलाइन्।

सविता रानाले पहिलो हापको इन्जुरी समयमा एपीएफका लागि १० औँ गोल गरिन्।

खेलको ४८ औँ मिनेटमा सरु लिम्बुले ह्याट्रिक पुरा गदै टोलीका लागि ११ औँ गोल गरिन्। ५२ औँ मिनेटमा सावित्राले, ६१ औँ मिनेटमा मनमाया लिम्बुले, ७१ औँ मिनेटमा गिता रानाले र खेलको ८३ औँ र ८६ औँ मिनेटमा रविना गोलेले टोलीका लागि १५ औँ र १६ औँ गोल गरिन्।