विभिन्‍न जिल्लामा सात जना मृत अवस्थामा फेला

काठमाडौं- देशभरका विभिन्‍न जिल्लामा सात जना मृत अवस्थामा फेला परेका छन्। केन्द्रीय प्रहरी समाचार कक्षका अनुसार देशभरका विभिन्‍न स्थानमा शनिबार सात जना मृत फेला परेका हुन्। 

उदयपुर, बेलका नगरपालिका-६ बाक्सिखोप बस्ने ७२ वर्षीय लाल बहादुर सार्की सोही ठाउँस्थित राक्चे खोलाको किनारमा शुक्रबार मृत अवस्थामा फेला परेका छन्। 

कास्कीको पोखरा महानगरपालिका-१८ भकुण्डेस्थित कुखुरा फर्म संचालन गरी बस्दै आएका चितवन भरतपुर महानगरपालिका-२२ घर भएका ७० वर्षीय डिल्लीराम गुरुङ उक्त फर्मभित्र रहेको कोठामा शनिबार मृत अवस्थामा फेला परेका छन् । 

कपिलवस्तु, शिवराज नगरपालिका गडगौरास्थित धानखेतमा सोही ठाउँ बस्ने ३४ वर्षीय सैयम कुमार यादव शनिबार मृत अवस्थामा फेला परेका छन्। 

धादिङ, सिद्धलेक गाउँपालिका-१ थोपलखोलास्थित थोपलखोलाको बिचमा निलकण्ठ नगरपालिका-४ सिम्ले गैरी बस्ने ४५ वर्षीय दल बहादुर श्रेष्‍ठ शनिबार मृत अवस्थामा फेला परेका छन् ।

ललितपुर, बागमती गाउँपालिका-१ घुसेल गौँथली भिरस्थित खोल्सामा हाल नाम, थर, वतन नखुलेका अन्दाजी ३५ वर्षीय पुरुष शुक्रबार मृत अवस्थामा फेला परेका छन् । 

ईलाम, देउमाई नगरपालिका-५ र माङसेबुङ गाउँपालिका-१ गजुरमुखीधामको सिमानास्थित देउमाई खोलाको पक्की पुलमा हाल नाम, थर, वतन नखुलेका अन्दाजी ४५ वर्षीय पुरुष शुक्रबार मृत अवस्थामा फेला परेका छन् । 

रूपन्देही, समरीमाई गाउँपालिका-३ दिहवास्थित तिनाउ खोलाको बीच भागमा हाल नाम, थर, वतन नखुलेका अन्दाजी ४५ वर्षीय पुरुष शुक्रबार मृत अवस्थामा फेला परेका छन् ।  

यस सम्बन्धमा प्रहरीले आवश्यक अनुसन्धान गरिरहेको प्रहरीले जनाएको छ।