बैंकले ल्याए दसैंतिहारका अफरै-अफर, के छन् फाइदा?

काठमाडौं- हिन्दू नेपालीको चाड विजयादशमी, तिहार र छठ पर्वलाई लक्षित गरी बैंकहरुले विभिन्न अफर सार्वजनिक गरेका छन्। ग्राहकलाई फाइदा हुने गरी विभिन्न अफर ल्याइएको बैंकहरुको दाबी छ। 

खल्तीमा राष्ट्रिय वाणिज्य बैंकको खाता लिङ्क गरी भुक्तानी गर्ने प्रयोगकर्तालाई १०० रुपैयाँ बोनस दिने अफर छ। सो अफर असोज ३१ गतेसम्मको लागि मात्र लागू हुनेछ। यो अवधिमा एक भाग्यशाली पहिलो प्रयोगकर्ताले स्मार्टफोन जित्ने मौका पाउनेछन्। खल्तीमा बैंक लिङ्क गर्न प्रयोगकर्ताले आफ्नो केवाईसी प्रमाणित गरेको हुनुपर्नेछ। 

बैंकका अनुसार दसैंका अवसरमा बैंकमा गएर जुनसुकै प्रकारको खाता खोलेपनि भिसा कार्ड, इन्टरनेट बैंकिङ, मोबाइल बैंकिङ, डिम्याट, सेवामा विशेष छुट प्रदान गरेको बैंकले जनाएको छ। बैंकले अनलाइनबाटै खाता खोल्न सक्ने सुविधा पनि ल्याएको छ। परम्परावादी बैकिङ प्रणाली अपनाउँदै आएको कृषिले दसैंको अवसरमा यस्तो अफर ल्याउनु आफैँमा क्रान्तिकारी कदम भएको बैंकका कर्मचारी नै बताउँछन्। 

बैंकले दराजसँगको सहकार्यमा ‘दराज दशैं धमाका’ महोत्सव योजना पनि सार्वजनिक गरेको छ। गत भदौ २९ गतेदेखि लागू भएको सो योजना दराजबाट किनमेल गर्दा नबिल कार्डबाहकलाई आकर्षक छुटको व्यवस्था गरेको जनाएको छ। दराज दसैं धमाकाको अवधिमा अनलाइन सामान खरिद गर्दा नबिलको डेबिट कार्डमार्फत् अग्रिम भुक्तानीमा अधिकतम १५ प्रतिशत वा २ हजार रुपैयाँसम्मको छुट र क्रेडिट कार्ड मार्फत अग्रिम भुक्तानीमा अधिकतम २० प्रतिशत वा २ हजार ५ सय सम्मको छुट प्राप्त गर्न सक्ने बैंकले जनाएको छ। उक्त छुट प्राप्त गर्नका लागि ग्राहकले आफ्नो कार्ड ई–कमर्सको लागि अनिवार्य सक्रिय गर्नुपर्नेछ।

यो योजनामा कम्तीमा ३ वटा कारोबार गर्ने कार्डहोल्डरलाई ५०० तथा कम्तीमा ६ वटा कारोबार गर्ने कार्ड प्रयोगकर्तालाई १ हजार क्यासब्याक प्रदान गरिने बैंकले जनाएको छ। क्यासब्याक प्राप्त गर्न हरेक पटकको कारोबार भुक्तानी रकम कम्तीमा ५०० को हुनुपर्ने व्यवस्था पनि बैंकले गरेको छ। बैंकका अनुसार सो योजना अन्तर्गत दिनको एक कारोबारलाई मात्र गणना गरिने छ। 

बैंकको मोबाइल बैंकिङ एप्लिकेसन ‘ग्लोबल स्मार्ट प्लस’बाट क्यूआरमार्फत भुक्तानी गरी दशैंको किनमेल गर्दा २ जना भाग्यशाली प्रयोगकर्तालाई आईफोन १३ प्रदान गर्ने योजना पनि बैंकले ल्याएको छ। यो योजना पनि असोज महिनाभर लागु हुनेछ। यस योजनामा सहभागी हुनका लागि ५०० वा सो भन्दा बढीको कारोबार क्युआरमार्फत कम्तीमा ६ वटा भुक्तानी भएको हुनुपर्ने व्यवस्था गरिएको छ। 

बैंकमा रहेको खाता वा नयाँ खाता खोली रेमिटेन्स लिने ग्राहकलाई थप ३०० रुपैयाँ दक्षिणा स्वरुप प्रदान गर्नेछ। यो योजना असोज १ देखि कात्तिक ३० गतेसम्म लागु हुने बैंकले जनाएको छ। 

त्यस्तै बैंकको डेबिट कार्ड बाट ई–कमर्श/पोसमा कारोबार गर्दा १०% वा ३०० रुपैयाँसम्म क्यासब्याक पाउनेछन्। त्यस्तै क्रेडिट कार्ड प्रयोग गर्ने ग्राहकहरुले क्रेडिट कार्ड बाट ई–कमर्श/पोसमा कारोबार गर्दा २० प्रतिशत वा ५०० रुपैयाँ सम्मको क्यासब्याक पाउने छन्। बैंकको ग्राहकहरुले इ–एनएमबि एपबाट एनटिसी/एनसेल टपअपमा ३ प्रतिशत तत्काल क्यासब्याक अफर पाउने छन् भने इएनएमबी एपबाट क्यूआर पेमेन्ट गर्दा १० प्रतिशत वा २०० रुपैयाँसम्मको क्यासब्याक पाउनेछन्।

दसैं र तिहार गरी २ पटक यो योजना सञ्चालन हुने बैंकले जनाएको छ। दसैं लक्षित यस योजना असोज ७ देखि शुरु भएर १४ गतेसम्म हुनेछ भने तिहारलाई लक्षित गरी कात्तिक २ देखि ६ गतेसम्म संचालन हुने बैंकले जनाएको छ।

बैंकले दराजबाट सामान खरिद गर्दा बैंकको डेबिट तथा क्रेडिट कार्डबाट भुक्तानी गरेमा अधिकतम २० प्रतिशत देखि २५ सय रुपैयाँसम्मको छुट पाउने व्यवस्था गरिएको छ। यदि ग्राहकहरुले डेबिट कार्डबाट भुक्तानी गर्दा १५ प्रतिशत वा अधिकतम् २ हजार र क्रेडिट कार्डबाट भुक्तानी गर्दा २० प्रतिशत वा अधिकतम् २५ सय रुपैयाँ सम्मको छुट पाउने व्यवस्था गरिएको छ। 

ग्राहकहरुलाई ‘पहिलोलाई प्राथमिकता’को आधारमा छुट प्रदान गरिने पनि बैंकले जनाएको छ। यसैगरी क्रेडिट कार्ड प्रयोगकर्ताहरुले शून्य ब्याजदरमा मासिक किस्ताबन्दी सुविधा पनि प्राप्त गर्न सक्नेछन् । यो योजना भदौ २९ देखि असोज ११ गतेसम्म लागू हुनेछ।

यो योजना असोज ८ गतेदेखि सुरु भएको छ भने कात्तिक १३ गतेसम्म कायम रहने छ। यसमा दैनिक १ हजार देखि २० हजारसम्म उपहार पाउन सकिने छ । यस्तो उपहार भने सातामा ७० जना ग्राहकले पाउनेछन्।

भाटभटेनीमा सपिङ गरे प्रभुको उपहार
प्रभु बैंकले पनि भाटभटेनीमा फोन पेमार्फत भुक्तानी गरेर किनमेल गर्नेलाई उपहार दिने योजना ल्याएको छ। बैंकले असोज ८ गतेदेखि सुरु गरेको यो योजना कात्तिक १३ गतेसम्म कायम रहने छ।

यसमा हरेक साता ७० जना ग्राहकलाई फोन पे क्यूआरबाट भुक्तानी गर्दा २० हजार ग्राहकलाई १ हजार बराबरको उपहार भौचर दिने जनाएको छ। यस्तै हरेक दिन ५७५ उपहार भौचर सार्वजनिक गर्ने र यो १ हजार बराबरको हुने बैंकको भनाइ छ।