मोटरसार्इकल दुर्घटनामा तीन जना घाइते, एकको अवस्था गम्भीर

सुर्खेत- सुर्खेतमा मंगलबार भएको मोटरसाइकल दुर्घटनामा तीन जना घाइते भएका छन्। घाइते मध्ये एकको अवस्था गम्भीर रहेको जिल्ला ट्राफिक प्रहरी कार्यालय सुर्खेतले जानकारी दिएको छ। 

रत्न राजामार्गको मंगलगढी-धुलियाविट सडक खण्डको कर्मचारी सञ्चय कोष नजिकै दुई वटा मोटरसाईकल एक आपसमा ठोक्किदा दुर्घटना भएको हो। भे ३ प २०८८ र भे ८ प ३१३८ नम्बरको मोटरसाईकल ठोक्किदा तीन जना घाइते भएका हुन्। 

सुर्खेतका ट्राफिक प्रमुख हरिबहादुर विसीले भने ‘घाइते मध्ये एकको अवस्था गम्भीर छ।’ विसीका अनुसार भे ८ प ३१३८ नम्बरको मोटरसाइकल चालक वीरेन्द्रनगर-३ मसुरीखेतका विक्रम शाही र भे ३ प २०८८ नम्बरका चालक जुम्ला सिंञ्‍जा घर भर्इ हाल वीरेन्द्रनगर-३ तातापानी बस्ने मनाजे र अर्को एक जना घाइते भएका छन्। 

‘मोटरसाईकल पछाडी सवार एक जनाको परिचय खुलेको छैन।’ प्रमुख विसीले भने, ‘प्याकुरेलको अवस्था गम्भीर छ।’ घाइते सबैको स्थानीय माया नर्सिङ् होममा उपचार भइरहेको छ।