सन्दिपको पाँच विकेटले पनि दिलाएन नेपाललाई जित 

काठमाडौं–नेपाल मलेसियमा जारी एसिया कप छनोट क्रिकेटबाट बाहिरिएको छ । छनोटको आफ्नो अन्तिम खेलमा हङकङसँग तीन विकेटको पराजय भोग्दै नेपाल एसिया कप छनोटबाट बाहिरिएको हो । 

टस जितेर पहिला ब्याटिङ गरेको नेपालले लज्जास्पद प्रदर्शन गर्दै ९६ रनको लक्ष्य हङकङविरुद्ध सुम्पेको थियो । सामान्य लक्ष्य पाएको हङकङले ३२.३ ओभरमा सात विकेट गुँमाउदै लक्ष्य भेट्टायो । 

हङकङका लागि अन्सुमान राथले अर्धसतकीए पारि खेले । उनले ८२ बल खेल्दै तीन चौका र एक छक्काको मद्दतमा ५२ रन जोड्दा किन्चित साहले १४ रन बाहेक अन्ये ब्याट्सम्यानले दोहोर अंक छुन सकेन् । 

तर पनि हङकङले नेपालमाथि सहजै जित निकाल्यो । नेपालका लागि सन्दिप लामिछानेले सर्वाधिक पाँच  विकेट लिएपनि नेपाललाई जित दिलाउन सकेनन् । उनले १० ओभरमा २७ रन खर्चर्दै पाँच विकेट लिएका थिए । त्यस्तै बसन्त रेग्मी र सागर पुनले एक एक विकेट लिए ।

यसअघि नेपालले ३९.५ ओभरमा अलआउट हुँदै ९५ रन मात्र जोड्न सकेको थियो । मंगलबारको खेलमा पनि नेपालको ब्याटिङ चल्न सकेन । नेपालका लागि आरिफ सेखले १८, अनिल साह र बसन्त रेग्मीले १५, कप्तान पारस खड्काले १४ र उपकप्तान ज्ञानेन्द्र मल्लले १२ रन बनाउनु बाहेक अन्य व्याट्सम्यान जन्म सकेनन् । 

नेपालको यसअघिका चार खेल मध्ये दुई खेलमा हार र दुई खेलमा जित दर्ता गरेको थियो । नेपालले पहिलो खेल ओमनसँग ७ विकेटले पराजित हुँदा दोस्रो खेलमा युनाईटेड अरब इमिरेट्ससँग ७८ रनले पराजित भएको थियो । 

आफ्नो तेस्रो खेलमा आयोजक मलेसियालाई १९ रनले पराजित गर्दा, चौथो खेलमा सिंगापुरमाथि ४ विकेटले जित हासिँल गरेको थियो ।