बजेटबाहिरको हिसाब २४ घन्टाभित्रै बुझाउन अर्थलाई आयोगको निर्देशन

आयोगले निर्वाचन घोषणा भइसकेपछि मन्त्रालयबाट भएको बजेटबाहिरको खर्च विवरण बुझाउन निर्देशन दिएको हो।

नेपाल समय | शुक्रबार, असोज ७, २०७९

नेपाल समय

शुक्रबार, असोज ७, २०७९

बजेटबाहिरको हिसाब २४ घन्टाभित्रै बुझाउन अर्थलाई आयोगको निर्देशन

काठमाडौं– निर्वाचन आयोगले बजेटबाहिरबाट गरिएको खर्च विवरण २४ घन्टाभित्र बुझाउन अर्थ मन्त्रालयलाई निर्देशन दिएको छ। शुक्रबार आयोगले विज्ञप्ति जारी गर्दै निर्वाचन घोषणा भइसकेपछि मन्त्रालयबाट भएको बजेटबाहिरको खर्च विवरण बुझाउन निर्देशन दिएको हो।

सरकारले गत १९ साउनमा प्रतिनिधिसभा र प्रदेशसभा सदस्य निर्वाचनको मिति घोषणा गरेको थियो।

तर आव २०७९/८० का लागि स्वीकृत वार्षिक बजेट तथा कार्यक्रममा नपरेका विभिन्न नयाँ योजना सिर्जना गरी कार्यक्रम बनाएर अर्थ मन्त्रालय तथा निकायमा बजेट रकमान्तर निकासा र स्रोत सुनिश्चितता गरेको विषयमा आयोगको ध्यानाकर्षण भएको उल्लेख छ।

सोही कारण के-कति रकम, कुन-कुन योजना तथा कार्यक्रममा रकमान्तर निकासा र स्रोत सुनिश्चितता गरिए/नगरिएको विषयमा आयोगले अर्थसँग विवरण बुझाउन समयसीमा दिएको हो।

प्रकाशित: Sep 23, 2022| 13:44 शुक्रबार, असोज ७, २०७९