दार्चुलामा जीप दुर्घटना : एकको मृत्यु, आठ जनाले हामफालेर ज्यान जोगाए

दार्चुला- दार्चुलामा जीप दुर्घटना हुँदा एक जनाको मृत्यु भएको छ। आठ जनाले हामफालेर ज्यान जोगाएका छन्। 

जिल्लाको मार्मा गाउँपालिका लटिनाथबाट अपिहिमाल गाउँपालिका-५ तिम्ला जाँदै गरेको म१ज २३३ नम्बरको बोलेरो जीप साँझ साढे ८ बजे तिर दुर्घटना भएको हो।

जीप दुर्घटना हुँदा अपिहिमाल गाउँपालिका-६ का १८ वर्षीय दिनेशसिंह धामीको मृत्यु भएको प्रहरीले जनाएको छ।

जीपमा सवार नौजना रहेको बुझिएको छ। नौमध्ये आठ जनाले हाम फालेर ज्यान जोगाएका छन्। एक जनाको घटनास्थलमै मृत्यु भएको प्रहरीले जनाएको छ।