छुट्टाछुट्टै स्थानमा पाँच जना मृत फेला

काठमाडौं- देशका विभिन्न स्थानमा पाँच जना मृत फेला परेका छन्। चितवन, धनुषा, सुर्खेत, कैलाली र सोलुखुम्बुमा गरी पाँच जना मृत फेला परेका हुन्।

चितवन, भरतपुर महानगरपालिका-१७ भ्युटावरस्थित नारायणी नदी बीचको भंगालोमा पहिचान नखुलेका करिब ४० वर्षीय पुरूष मंगलबार मृत अवस्थामा फेला परेका छन्। 

धनुषा, मिथिला बिहारी नगरपालिका-५ ललिया बस्ने ४५ वर्षीया जिबछी देवी मण्डल आफ्नै बाँसघारीमा मंगलबार मृत अवस्थामा फेला परेकी छन्। 

सुर्खेत, पंचपुरी नगरपालिका-५ तिखाकुनास्थित तिखाखोलामा सोही नगरपालिका-११ बस्ने ४० वर्षीया तुल्सी बिक मंगलबार मृत अवस्थामा फेला परेकी छन्।

कैलाली, गोदावरी नगरपालिका-१२ शान्तीनगर बस्ने २६ वर्षीय मदन बडैला आफ्नै घरको आँगनमा मंगलबार मृत अवस्थामा फेला परेका छन्। 

सोलुखुम्बु, खुम्बुपासाङल्हामु गाउँपालिका-१ थामडाँडास्थित लुक्ला-पैया जाने पैदल बाटोमा माप्य दुधकोशी गाउँपालिका-१ बस्ने ४७ वर्षीय अलवा शेर्पा मंगलबार मृत अवस्थामा फेला परेका छन्। प्रहरीले सबै घटनाका बारेमा अनुसन्धान थालेको जनाएको छ।