‘चोलेन्द्रकी छोरी हुँ’ भन्ने महिला नक्कली भएको खुलासा

आफ्नो नाम सुनिधि राणा भएको र प्रधानन्यायाधीशको निवासमा बस्दै आएका आफ्ना बुबा (चोलेन्द्र)लाई नजरबन्दमा राखिएको भनेर मिडियासामु बयान दिएकी महिला छोरी नभएको खुलासा भएको हो।

नेपाल समय | सोमबार, असोज ३, २०७९

नेपाल समय

सोमबार, असोज ३, २०७९

काठमाडौं- निलम्बित प्रधानन्यायाधीश चोलेन्द्र शमशेर जबराकी छोरी हुँ भन्दै सञ्चारमाध्यममा बयान दिने महिला नक्कली भएको खुलासा भएको छ।

आफ्नो नाम सुनिधि राणा भएको र प्रधानन्यायाधीशको निवासमा बस्दै आएका आफ्ना बुबा (चोलेन्द्र)लाई नजरबन्दमा राखिएको भनेर मिडियासामु बयान दिएकी महिला वास्तविक छोरी नभएको खुलासा भएको हो।

चोलेन्द्र शमशेर राणाको सम्पत्ति विवरणमा सुनिधि राणा नामकी छोरी नभेटिएको र छोरी हुँ भन्दै बयान दिने व्यक्ति नक्कली भएको न्यूज एजेन्सी नेपालले विज्ञप्ति जारी गर्दै क्षमायाचना गरेको छ।

चोलेन्द्रकी छोरी बताउने ती महिलाको भिडियो न्युज एजेन्सी नेपालले प्रसारण गरेको थियो। एजेन्सीले पठाएको उक्त भिडियो/समाचार नेपाल समयले पनि प्रसारण गरेको थियो। ती सामग्री हामीले हटाउँदै पाठकवर्गसँग क्षमायाचना चाहन्छौँ।

प्रकाशित: Sep 19, 2022| 22:05 सोमबार, असोज ३, २०७९