बर्दिया- बर्दियाको बेग्लाबेग्लै ठाउँमा करेन्ट लागेर दुई जनाको मृत्यु भएको छ।
जिल्लाको गुलरिया नगरपालिका-९ मथुराहरीद्वारकी ९ वर्षीया खुश्वु धोबीको घरमा खेल्ने क्रममा फलामको ढोकामा विद्युत्को तार सर्ट भई मृत्यु भएको प्रहरीले जनाएको छ।
प्रहरी निरीक्षक हृदयेश सापकोटाका अनुसार सख्त घाइते अवस्थामा उनको जिल्ला अस्पताल, गुलरियामा उपचारको क्रममा मृत्यु भएको हो।
यसैगरी बारबर्दिया नगरपालिका-८ दुधाका ३३ वर्षीय सनिराम थारु घरमा मन्दिर बनाउने क्रममा विद्युत्को तार चुँडेर करेन्ट लागेर शक्त घाइते भएका थिए। उनको शिक्षण अस्पतालमा उपचारको क्रममा मृत्यु भएको प्रहरी निरीक्षक सापकोटाले बताए।