संगीतकार सुनामको निधन

भाउजू, आमा, दाजुभाइ, बन्धन, चाहनाजस्ता नेपाली चलचित्रमा कालजयी संगीत दिएका सुनामले सेक्सोफोन बाजालाई वाद्यवादनका रूपमा स्थापित गरेका गरे।

नेपाल समय | सोमबार, असोज ३, २०७९

नेपाल समय

सोमबार, असोज ३, २०७९

काठमाडौं– संगीतकार शुभबहादुर सुनामको सोमबार बिहान ७४ वर्षको उमेरमा निधन भएको छ। उनको छाउनीस्थित सैनिक अस्पतालमा बिहान ५ बजे निधन भएको हो। सुनाम लामो समयदेखि मृगौला रोगबाट ग्रसित थिए। सैनिक सलामीसहित उनलाई अन्तिम दाह संस्कारका लागि पशुपति आर्यघाट लगिएको छ।

भाउजू, आमा, दाजुभाइ, बन्धन, चाहनाजस्ता नेपाली चलचित्रमा कालजयी संगीत दिएका सुनामले सेक्सोफोन बाजालाई वाद्यवादनका रूपमा स्थापित गरेका गरे। उनी ११ वर्षको उमेरदेखि नै नेपाली सेनाको ब्वाइज दर्जामा जागिर सुरु गरेर जर्नेलसम्म भएका थिए।

सैनिक ब्यान्डमा रही वाद्यवादन र संगीत सिर्जनामा सक्रिय थिए। सुनामले तत्कालीन युवराज दीपेन्द्र शाहलाई समेत संगीत सिकाएका थिए।

प्रकाशित: Sep 19, 2022| 12:16 सोमबार, असोज ३, २०७९