धनगढी- कञ्चनपुरमा सडेको अवस्थामा तीन जनाको शव फेला परेको छ। लालझाडी गाउँपालिका-१ को उखुबारीमा दुई जना र पुनर्वास नगरपालिका-१० को दोदा नदी नजिकै एक जनाको शव फेला परेको हो।
आइतबार साँझ तीन जनाको शव सडेको अवस्थामा भएकाले पहिचान गर्न समस्या भएको इलाका प्रहरी कार्यालय त्रिभुवनबस्तीका प्रमुख, प्रहरी निरीक्षक (इन्स्पेक्टर) नरेशराज मल्लले बताए।
इलाका प्रहरी कार्यालय त्रिभुवनबस्तीका प्रमुख, प्रहरी निरीक्षक (इन्स्पेक्टर) नरेशराज मल्लले आइतबार साँझ तीन जनाको शव भेटिएको बताउँदै सडेको अवस्थामा भएकाले पहिचान गर्न समस्या भएको बताए।
हेरेर शवको पहिचान गर्न नसकिएपछि प्रहरीले डिएनए संकलनको तयारी गरेको छ। डिएनए संकलनका लागि चिकित्सकको टोली घटनास्थलतर्फ आइरहेको प्रहरी निरीक्षक मल्लले बताए।