बंगलादेशको राजधानीमा भारी वर्षा, होचो स्थानका बस्तीमा डुबान

बंगलादेशको राजधानी ढाकाका केही भागमा बुधबार भएको मध्यमदेखि भारी वर्षाका कारण गहिरो क्षेत्रका बस्तीहरू जलमग्न बनेका छन्।

नेपाल समय | बुधबार, भदौ २९, २०७९

नेपाल समय

बुधबार, भदौ २९, २०७९

बंगलादेशको राजधानीमा भारी वर्षा, होचो स्थानका बस्तीमा डुबान

ढाका- बंगलादेशको राजधानी ढाकाका केही भागमा बुधबार भएको मध्यमदेखि भारी वर्षाका कारण गहिरो क्षेत्रका बस्तीहरू जलमग्न बनेका छन्।

वर्षाका कारण सडक यातायात अवरुद्ध भएको छ।

दुई करोडभन्दा बढी जनसङ्ख्या रहेको यस सहरका केही भागका सडक, गल्ली र सहायक गल्लीहरूमा करिब दुई फिट गहिरो पानी जमेको छ। यसले गर्दा यात्रुहरूलाई निकै सास्ती भएको छ।

ढाकामा पछिल्लो २४ घण्टा अर्थात् स्थानीय समयअनुसार बुधबार बिहान ६ बजेसम्म ५३ मिलिमिटर वर्षा भएको देशको मौसम विज्ञान विभागले जनाएको छ।

बंगलादेशमा मनसुन सक्रिय रहेकाले देशभर मध्यमदेखि भारी वर्षासमेत भएको छ।

बंगलादेशको मौसम विज्ञान विभाग (बीएमडी) ले आगामी २४ घण्टामा शहर र उपनगरीय क्षेत्रमा मध्यमदेखि भारी वर्षाको सम्भावना रहेको र केही स्थानमा अति भारी वर्षाको सम्भावना रहेको जनाएको छ।

प्रकाशित: Sep 14, 2022| 23:55 बुधबार, भदौ २९, २०७९