लुटपाटमा संलग्न रहेको अभियोगमा काठमाडौंबाट दुई जना पक्राउ

काठमाडौं- नक्कली पेस्तोल देखाई लुटपाटमा संलग्न रहेको अभियोगमा दुई जना पक्राउ परेका छन्। पक्राउ पर्नेमा सिन्धुपाल्चोक साँगाचोक गढी नगरपालिका-६ घर भई काठमाडौं हाँडीगाउँ बस्ने ४१ वर्षीय बाल सुन्दर सापकोटा र सोही ठाउँ बस्ने ४० वर्षीय अर्जुन कार्की रहेका छन्।

दुई थान नक्कली पेस्तोल र पाँच थान गोलीसहित दुई जनालाई आइतबार प्रहरीले पक्राउ गरेको छ।

काठमाडौं महानगरपालिका-३१ कात्यायनी मन्दिर नजिक कपिल श्रेष्ठको केएस मोबाईल पसलमा पेस्तोल देखाइ हामि प्रहरी हौँ भन्दै तीन थान मोबाईल लुटपाट गरेको प्रहरीले जनाएको छ। 

काठमाडौं उपत्यका अपराध अनुसन्धान कार्यालय मिनभवनबाट खटिएको प्रहरीले उनीहरुलाई सोही मन्दिर नजिकबाट लुटपाट गरेको तीन थान मोबाइल, घटनामा प्रयोग भएको उक्त पेस्तोल र गोली सहित फेला पारी पक्राउ गरेको हो। उनीहरूलाई डाँका कसूरमा आवश्यक कानूनी कारबाहीको लागि प्रहरी वृत्त बानेश्वर पठाइएको प्रहरीले जनाएको छ।