४ सचिवको सरुवा गर्ने मन्त्रिपरिषद्को निर्णय

काठमाडौं- मन्त्रिपरिषद् बैठकले केही सचिवहरूको सरुवा गरेको छ। सोमबार प्रधानमन्त्रीनिवास बालुवाटारमा बसेको बैठकले गृह मन्त्रालयमा प्रदेश नम्बर १ का प्रमुख सचिव सिंहलाई ल्याउने निर्णय गरेको हो। 

हाल गृहको जिम्मेवारीमा रहेका सचिव टेकनारायण पाण्डेलाई प्रधानमन्त्री तथा मन्त्रिपरिषद्को कार्यालयमा सरुवा गरिएको बालुवाटार स्रोतले जानकारी दिएको छ। 

अख्तियार दुरुपयोग अनुसन्धान आयोगमा जिम्मेवारी तोकिएका तोयम रायलाई उद्योग, वाणिज्य तथा आपूर्ति मन्त्रालयमा ल्याइएको छ। आपूर्तिका सचिव गणेश पाण्डेलाई प्रधानमन्त्री तथा मन्त्रिपरिषद् कार्यालयमा जगेडामा राखिएको छ। अख्तियारमा प्रधानमन्त्री कार्यालयका रामप्रसाद घिमिरेलाई पठाइएको छ।

निर्वाचन आयोगले भदौ २० गतेपछि कुनै पनि सरुवाबढुवाका काम नगर्न सरकारलाई आग्रह गरेपनि सरकारले त्यसलाई लत्याउँदै कर्मचारीको सरुवालाई रोकेको छैन।