पोखरामा एक महिलामाथि सामूहिक बलात्कार, आठ जना पक्राउ

कास्की- पोखरामा एक महिलामाथि सामूहिक बलात्कार गरेको आरोपमा प्रहरीले आठ जनालाई पक्राउ गरेको छ।

गएको १४ गते पोखरा ७ शान्तिनगरबाट कारमा लिफ्ट पाएकी एक महिलामाथि सामूहिक बलात्कार भएको उजुरी परेको कास्की प्रहरीले जनाएको छ।

गएको १४ गते बिहान कारमा लिफ्ट दिएकाहरूले कास्कीको माछापुच्छ्रे गाउँपालिका लगेर बलात्कार गरेको भन्दै पीडित महिलाले प्रहरीमा उजुरी दिएकी हुन्। 

माछापुच्छ्रे गाउँपालिका वडा नम्बर ३ मा रहेको एक बङ्गुर फार्ममा लगेर कर्मचारी बस्ने कोठामा ९ जनाले पटक पटक बलात्कार गरेको पीडित महिलाले बताएकी कास्कीले जनाएको छ।

कास्कीका प्रहरी प्रवक्ता डीएसपी सुन्दर तिवारीले पीडित महिलाले १५ गते बेलुकी नै उजुरी दिएको बताए।

बलात्कारमा संलग्न रहेको आरोप लागेका ९ जनामध्ये ८ जना पक्राउ परिसकेको र फरार रहेका एक जनाको खोजी भइरहेको  प्रहरीले जनाएको छ।  

पक्राउ परेकालाई जिल्ला अदालत कास्कीबाट पहिलो पटक ७ दिन र दोस्रो पटक ५ दिनको म्याद थप गरी अनुसन्धान भइरहको प्रहरी प्रवक्ता डीएसपी सुन्दर तिवारीले जानकारी दिए।