सर्पको टोकाइबाट शाहीको मृत्यु

सुर्खेत- सुर्खेतका शनिबार सर्पको टोकाइबाट एक जनाको मृत्यु भएको छ। 

सुर्खेतको पञ्चपुरी नगरपालिका-४ मा सर्पको टोकाइबाट लक्ष्मी शाहीको मृत्यु भएको छ। जिल्ला प्रहरी कार्यालय सुर्खेतका अनुसार पञ्चपुरी नगरपालिका-४ बरैचेकी ८ लक्ष्मी शाहीको मृत्यु भएको हो। 

‘बिहान सर्पले कोटेको रहेछ। जिल्ला प्रहरी कार्यालय सुर्खेतका डिएसपी श्यामसिंह चौधरीले भने, ‘उपचारका लागि वीरेन्द्रनगर ल्याउँदै गर्दा बाटोमै मृत्यु भएको हो।’

उनीसँगै पश्चिम सुर्खेतमा सर्पको टोकाइबाट मृत्यु हुनेको संख्या दुई पुगेको छ। सर्पको टोकाइबाट गएको साउन २२ गतेमात्रै पञ्चपुरी नगरपालिका-१० की १४ वर्षीय हरिकला उपाध्ययले ज्यान गुमाएकी थिइन्।