दाङ- टिकटक बनाउँने क्रममा भीरबाट खसेर दाङमा एक युवकको ज्यान गएको छ। मृत्यु हुनेमा तुलसीपुर उपमहानगरपालिका-७ का नवीन केसी रहेको जिल्ला प्रहरी कार्यालय दाङले जनाएको छ।
शनिबार बिदाको दिन साथीहरूसँग घुम्न दाङ-सल्यानको सीमा क्षेत्रमा पर्ने राम्री पुगेर फर्कने क्रममा तुलसीपुर-७ का ३४ वर्षीय केसीको तुलसीपुर-३ साततलेमा टिकटक बनाउने क्रममा गएराति भीरबाट ८० मिटर तल खसेर ज्यान गएको प्रहरीको भनाइ छ।
घाइते अवस्थामा उद्धार गरेर राप्ति प्रादेशिक अस्पताल पुर्याइएकोमा उनलाई चिकित्सकले मृत घोषणा गरेका थिए।