काठमाडौं– काठमाडौं महानगरपालिकाको टोली बुधबार नक्साल पुगेको छ। बुधबार महानगरका प्रहरी प्रमुख राजु पाण्डेले नक्साल नारायणचौरस्थित बैंक अफ काठमाण्डूको भवन अनुगमन गरेका हुन्।
भवनका केही संरचना नक्साविपरीत रहेको भन्ने सूचनापछि महानगरले अनुगमन गरेको पाण्डेले बताएका छन्। अनुगमनपछि नक्सा भिडाएर थप कदम चालिने उनले जानकारी दिए।
व्यापारिक प्रयोजनका लागि बनाइएका भवनमा नक्सा पासविपरीत संरचना निर्माण गरिएपछि महानगर कारबाहीमा उत्रिएको छ।