भारतले जित्यो पाकिस्तानविरुद्धको टी-२०

काठमाडौं- जारी एसिया कप टी २० क्रिकेट प्रतियोगितामा भारतले पाकिस्तानलाई ५ विकेटले हराएको छ। आइतबार राति दुबईमा सम्पन्न भएको खेलमा भारतले पाकिस्तानलाई हराएको हो।

खेलमा टस हारेर ब्याटिङको निम्तो पाएको पाकिस्तानले एक बल बाँकी रहँदै सम्पूर्ण विकेट गुमाएर १४७ रन बनाएको थियो। जवाफमा भारतले दुई बल बाँकी रहँदै पाँच विकेट गुमाएर १४८ रनको लक्ष्य पुरा गरेको हो।

भारतलाई जित दिलाउन रवीन्द्र जोडेजाले सर्वाधिक ३५ रन बनाए भने हार्दिक पाण्ड्याले ३३ रन बनाएर उत्कृष्ट फिनिसदिए। आइतबार राति टी २० को सय अन्तर्राष्ट्रिय खेल पुरा गरेका विराट कोहलीले पनि ३५ रन बनाएका थिए।

पाकिस्तानका मोहम्मद नवाज र नसिम शाहले समान २,२ विकेट लिएका थिए।

त्यसअघि पहिलो पारीमा पाकिस्तानमा मोहम्मद रिजवनले ४३ रन बनाएका थिए भने इफ्तिखर अहमदले २८ रनको योगदान दिएका थिए।

भारतका लागि भुवनेश्वर कुमार, हार्दिक पाण्ड्या, अर्षदिप सिंह र अभेष खानले क्रमशः ४, ३, २ र १ विकेट गिराएका थिए। यो जितसँगै समूह एमा रहेको भारतले एक अंक जोडेको छ। त्यस्तै समूह बीको गएराति नै सम्पन्न खेलमा श्रीलंकालाई हराउँदै अफगानिस्तानले दुई अंक जोडेको छ।