बाँकेबाट नेकपा एसले गर्‍यो उम्मेदवार सिफारिस, अशोक कोइराला प्रदेशमा

बाँके- मंसिर ४ गते हुने प्रतिनिधिसभा र प्रदेशसभाको निर्वाचनका लागि जिल्ला जिल्लामा उम्मेदवार छनौटको रस्साकस्सी चलिरहेको छ। यसैसन्दर्भमा नेकपा एकीकृत समाजवादी बाँकेले प्रतिनिधिसभा र प्रदेशसभा निर्वाचन क्षेत्रको उम्मेदवार सिफारिस गरेको छ।

नेकपा एकीकृत समाजवादी बाँकेले जिल्लाको तीन वटा संघीय निर्वाचन क्षेत्र र ६ वटा प्रदेशसभा निर्वाचन क्षेत्रका लागि उम्मेदवार सिफारिस गरेको बताएको हो।

पार्टीका केन्द्रीय सदस्य एवं बाँके जिल्ला इन्चार्ज अशोक कोइरालाले मंसिर ४ गते हुने निर्वाचनका लागि सर्वसम्मत रूपमा जिल्लाबाट प्रदेशमा उम्मेदवार सिफारिस गरिएको बताए। उनले गठबन्धनलाई बलियो बनाउँदै आफ्नो पार्टीको तर्फबाट पनि सशक्त तयारी थालिने बताएका छन्। 

जिल्लाबाट क्षेत्र नम्बर १ प्रतिनिधिसभा सदस्यका लागि यमबहादुर आले, इतवारी थारु र मञ्जु कोइरालालाई सिफारिस गरेको छ। प्रदेश तर्फ (क) मा केशवराम यादव, रामकृष्ण विक र प्रेमिका शाही र प्रदेश ९ख० मा अशोक कोइराला, अब्दुल हुसेन खाँ र केशकुमारी भुसालको नाम सिफारिस गरेको छ।

यस्तै क्षेत्र नम्बर २ बाट संघीय निर्वाचनमा विनोद मैनाली, महेन्द्रराज शर्मा र अब्दुल जब्बर मञ्जरीको नाम परेको छ भने प्रदेश (क) मा लक्ष्मणप्रसाद गौतम, सुनिता बर्मा र शान्ता थपलियाको नाम सिफारिस गरेको छ भने प्रदेश (ख) मा समसुद्दिन सिद्दिकी, करिश्मा कुमारी योगी र डम्बरबहादुर थापालाई सिफारिस गरेको कोइरालाले बताए।

निर्वाचन क्षेत्र नम्बर ३ को प्रतिनिधिसभाबाट दलबहादुर सुनार, होमनाथ सापकोटा र लक्ष्मी सिंह ठकुरीको नाम टुंगो लागेको छ। क्षेत्र नम्बर ३ को प्रदेश सभा तर्फ (क) बाट दीपक जिएम, भगवती शाह र मनकुमारी चन्द र प्रदेश सभा सदस्य (ख) मा इन्द्रबहादुर थापा, लालबहादुर खत्री, भद्रप्रसाद देवकोटा र रुपा रावलको नाम सिफारिस गरिएको छ।