ज्यान मुद्दाका कैदी अस्पतालबाटै फरार, कारागार प्रमुखसहित सुरक्षामा खटिएका प्रहरी निलम्बन

काठमाडौं- ज्यान मुद्दाका कैदीबन्दी उपचारका क्रममा शिक्षण अस्पतालबाटै फरार भएका छन्। रामेछापको पिल्पुङ गाउँपालिका-२ का ३१ वर्षीय भोला बुढाथोकीलाई ज्याम मुद्दामा नेपाल प्रही अनाश्रित गुल्म नख्खु कारागारमा कैदीबन्दी थिए। 

उनलाई उपचारका लागि मंगलबार महाराजगन्जस्थित शिक्षण अस्पतालमा ल्याइएको थियो। उपचारकै क्रममा रहेका बुढाथोकी बुधबार अपरान्ह ४:१० बजेको समयमा अस्पतालबाटै फरार भएको काठमाडौं उपत्यका प्रहरी कार्यालउका प्रहरी उपरीक्षक देवेन्द्र बहादुर पालले जानकारी दिएका छन्। 

उनका अनुसार उपचारकै क्रममा कैदी फरार भएपछि नख्खु कारागार प्रमुखलाई जिम्मेवारीबाट हटाइएको र कैदीबन्दीको सुरक्षामा खटिएका प्रहरी कर्मचारीलाई बुधबारबाटै निलम्बन गरिएको छ। प्रहरी उपरीक्षक पालकै नेतृत्वमा चार सदस्यी छानबिन समिति पनि गठन गरिएको छ। पालले भने, 'हामीले यस विषयमा आवश्यक छानबिन सुरु गरिसकेका छौं। फरार कैदीबन्दीको खोजी कार्य पनि सुरु भइसकेको छ।'