नुवाकोटमा थपिए ४,५३७ मतदाता

थप भएकासहित नुवाकोटमा कुल मतदाताको संख्या २ लाख ४१,९७१ पुग्यो।

नेपाल समय | बुधबार, भदौ ८, २०७९

नेपाल समय

बुधबार, भदौ ८, २०७९

नुवाकोट–नुवाकोटमा ४,५३७ मतदाता थपिएको जिल्ला निर्वाचन कार्यालय नुवाकोटले जनाएको छ। ३० वैशाखमा सम्पन्न स्थानीय तह निर्वाचनमा २ लाख ३७,४३४ मतदाताले मताधिकार प्राप्त गरेका थिए। स्थानीय तह निर्वाचनपछि नयाँका लागि गत १ असारदेखि फोटोसहितको मतदाता नामावली दर्ता सुरु गरिएको थियो ।

आगामी ४ मंसिरमा संघीय र प्रदेशसभा निर्वाचन हुने मिति तोकेपछि मतदाता नामावली संकलन रोकिएको थियो। १ असारदेखि २० साउनसम्म जिल्ला प्रशासन कार्यालय, इलाका प्रशासन कार्यालय सातबिसे र निर्वाचन कार्यालयमा गरी ४,५३७ ले मतदाताका लागि फोटो खिचाइएको निर्वाचन कार्यालय निर्वाचन अधिकारी जयप्रसाद गौतमले बताए।

थप भएकासहित नुवाकोटमा कुल मतदाताको संख्या २ लाख ४१,९७१ पुगेको निर्वाचन अधिकारी गौतमको भनाइ छ।–रासस

प्रकाशित: Aug 24, 2022| 17:21 बुधबार, भदौ ८, २०७९