विराटनगर- विराटनगरमा दुई समूहबीचको झडपमा दश जना घाइते भएका छन्। मंगलबार साँझ विराटनगर महानगरपालिका–१२ मल्हन्वा टोलमा गोपाल राजवंशी र राजकुमार कामतको समूहबीच कुटाकुट भएको प्रहरीले जनाएको छ। पुरानो रिसईबीलाई लिएर दोहोरो झडप भएको थियो।
दोहोरो कुटाकुटमा राजवंशीतर्फका अजय राजवंशी, सञ्जीव राजवंशी, मन्जित राजवंशी, गणेश राजवंशी र धनपथ राजवंशी र राजकुमार, दिनेश कामत, राजु कामत, सञ्जय कामत र काली कामत घाइते भएको प्रहरीले जनाएको छ।
घाइतेको कोसी अस्पताल र न्युरो अस्पतालमा उपचार भइरहेको प्रहरीले जनाएको छ।
पुरानो रिसईबीलाई लिएर दुई पक्षबीचको विवाद झडपमा परिणत भएको प्रहरीले जनाएको छ। घटनामा संलग्नलाई नियन्त्रणमा अनुसन्धान सुरु गरिएको मोरङ प्रहरीका प्रवक्ता डिएसपी दीपक श्रेष्ठले जानकारी दिए।