दाङमा आठ जना बन्दकर्ता पक्राउ

दाङ- दाङमा आठ जना बन्दकर्तालाई प्रहरीले नियन्त्रणमा लिएको छ। तुलसीपुर र घोराहीबाट आठ जना बन्द कर्तालाई प्रहरीले नियन्त्रणमा लिएको हो। तुलसीपुरबाट चार जनालाई प्रहरीले नियन्त्रणमा लिइएको इलाका प्रहरी कार्यालय तुलसीपुरका प्रमुख डिएसपी पुष्पराज मल्लले जानकारी दिए।

गाडी सवारी संचालनमा अवरोध गर्ने, चाँवी खोस्ने, धम्काउने जस्ता कार्य गरेको हुँदा उनीहरूलाई नियन्त्रणमा लिनु परेको मल्लले बताए।

घोराहीको शर्रामा बाटोमा अवरोध राखेर बन्द गरिरहेको अवस्थामा चार जना बन्द कर्तालाई नियन्त्रणमा लिएको जिल्ला प्रहरी प्रवक्ता डिएसपी राजन गौतमले  जानकारी दिए। 

सवारी साधनमा अवरोध तथा सडक खण्डमा अवरोध गरेको पाइएको हुँदा नियन्त्रणमा लिनु परेको डिएसपी गौतमले बताए। शान्तिपूर्ण रुपमा बन्द सफल पार्न खटिएका आफ्ना कार्यकर्तालाई नियन्त्रणमा लिएर राज्यले दम्भ देखाएको विप्लव नेकपाका जिल्ला सेक्रेटरी प्रदीप वलीले आरोप लगाए।