'प्रकाश'ले पायो 'यु सर्टिफिकेट'

यही भदौ १० गतेबाट प्रदर्शनमा आउन लागेको फिल्म ‘प्रकाश’ले युनिभर्सल सर्टिफिकेट पाएको छ। फिल्मको सेन्सर गर्ने ‘केन्द्रीय चलचित्र जाँच समिति’ले फिल्मलाई युनिभर्सल अर्थात् यु सर्टिफिकेट दिएको हो।

नेपाल समय | आइतबार, भदौ ५, २०७९

नेपाल समय

आइतबार, भदौ ५, २०७९

काठमाडौं– यही भदौ १० गतेबाट प्रदर्शनमा आउन लागेको फिल्म ‘प्रकाश’ले युनिभर्सल सर्टिफिकेट पाएको छ। फिल्मको सेन्सर गर्ने ‘केन्द्रीय चलचित्र जाँच समिति’ले फिल्मलाई युनिभर्सल अर्थात् यु सर्टिफिकेट दिएको हो।

फिल्मले युनिभर्सल सर्टिफिकेट पाएसँगै अब यसलाई सबैले हेर्न पाउनेछन्। दिनेश राउतको निर्देशनमा बनेको प्रकाशमा कर्णालीमा शिक्षक बन्नका लागि संघर्ष गरेको एक युवकको कथा देखाइएको छ।

फिल्ममा प्रदीप खड्काको मुख्य भूमिका छ। दिया मास्के, रेनु योगी, राजन खतिवडा, प्रकाश घिमिरेलगायत कलाकारहरको पनि अभिनय रहेको छ। फिल्म महेन्द्र अधिकारीले निर्माण गरेका हुन्। विकास सुवेदीको कथामा आधारित रहेको फिल्म बिनिश इन्टरटेनमेन्टको ब्यानरमा बनेको हो।

प्रकाशित: Aug 21, 2022| 17:30 आइतबार, भदौ ५, २०७९