क्युबामा पनि भेटिए मंकीपक्सका बिरामी

हवाना- क्युबामा पनि मंकीपक्सका बिरामी फेला परेका छन्। देशमा पहिलोपटक इटालीका एकजना पर्यटकमा मंकीपक्सको संक्रमण पुष्टि भएको शनिबार जनस्वास्थ्य मन्त्रालयले जनाएको छ।

नाम सार्वजनिक नगरिएका ती पुरूष पर्यटक गत साउन ३० गते क्युबा आइपुगेका थिए। गम्भीररूपमा बिरामी भएका उनलाई अस्पताल भर्ना गरिएको उक्त मन्त्रालयले एक विज्ञप्ति निकालेर बताएको छ।

बिरामी पर्यटक भाडाको घरमा बसेका थिए र उनले पश्चिमी क्युबाली प्रान्तका धेरै ठाउँको भ्रमण गरेका थिए।   -सिन्ह्वा